Lawas Ngumang

Lamin Parana No Nyaman
Tanya Medomu Kusempet
Kakalis Bale Puskesmas

Apapo Ampo Mubuya
Medo Ada Pang Puskesmas
Men Musakit Lema Mido

Na’ Katakit Muramido
Pang Kita Bowe Garatis
Bidan Dokter Kewa Kemas

Men Sia Ibu Batian
Datangmo Periksa Diri
Inak Anak Bakalako

Men Bakalako Sarea
Nyaman Ate Balong Piker
KSB Lema Bariri

Pariri Lema Bariri
Yajatu Kewa Ikhlas
Salamat Sarea Tau

O Sarea Rama Peno
Na’ Panto Tulung Gamana
Yatubangun Desa Kita

Maris Gama Saling Pendi
Mara Tima Ketong Tali
Kalebu Tusaling Gayong

Pariri Lema Bariri
Nan Moto Tau KSB
Dadi Jiwa Pembangunan

Mara Leng Ama Tuloka
Donia Pang Tunanam
Leng Aherat Pang Tupata

Mabau lema bariri
Boat donia ke aherat
Yajatu sama rua

Penyusun : Fathi Yusuf
Ngumang : M. Zain (ojeck)