Skenario Rabalas Lawas

Karya Fathi Yusuf
Rabalas Lawas

Adegan Pertama
Ada tiga orang yang duduk di atas pentas. Satu orang kelihatan lagi susah. Dua orang sibuk dengan pekerjaannya masing-masing. Mereka duduk-duduk di sebuah tempat (Bale Ronda).

Mero : Nyang Susa lamun tujari tau nonya berka. Salebe barang kebutuhan pokok bue ntek. Rena ina bapakku buemo koyot. Sanak sabai salakiku bue sakut kabali. Tau sabai ning bale tunoponya. Meluk kutelas berka.
Umeng : Nanta kau Mero. Kamujari tau nonya, mukasakut kabali mutelas. Tapi, naq geras pesimis mutelas. Nene Dea Koasa no beri tau pesimis.
Icak : Tetu ning Umeng so Mero! Dita tutelas no roa tupesimis. Aku bae no kuroa pesimis telas. Mana kujari tau nonya yam kau.
Mero : Meluk no kupesimis. Pipus sa ece-ece nonya kuenti. Renamo ariku ning bale sen kena ning tempisut ke kerek kure. Nonya kuenti pipus keang ramido.
Icak : Na bakarante bero, Ning KSB saq lo program ramido gratis. Ubamo lema angkang puskesmas. Pasti kotar ijatu ning bidan ke dokter.
Umeng : Tetu ning Icak so. Ning KSB iyo saq loq program ramido atawa berobat gratis. Antatmo lema angkang puskesmas anu parak ke balemu.
Mero : Bro ke sanak salaki! Tapi mega joq puskesmas ke baleku. Nonya keang kulalo.
Icak : E. nanta kau. Coba pongo bae ariqmu soq o. kam isanyaman ning pemerintah tapi loq bae anu jari pia diq na sakut.
Mero : Lo motormu ke sate kusule. Nonya eceku na kukeang ngojek.
Umeng : Kam tube informasi balong, tapi isasakut tau kabali na! eneng tulung lo Jumantara coba.
Mero : Nonya tau singun bero ning karangku. Me tau basingun Jumantara gina, Umeng.
Umeng : E nanta kau, mutelas mara toyak-toyak. Jumantara so lo tokon salebe karang. Jumantara adalah singkatan dari Juru Pemantau Kesehatan Masyarakat.
Mero : O bro ke, tapi sai tau ning karang dita anu jari Jumantara soq.
Umeng : Anu jari Jumantara so, salebe ketua RT ning KSB. Ketua RT ning KSB kam ilantik ning Bupati untuk jari Jumantara.
Mero : O bero ke, nyamanmo lamun bro, tapi Lemamo kusule motormu keang kuantat ariku angkang puskesmas.
Umeng : Nuya kam kubayamu, kusurumu eneng tulung angkang Jumantara!
Mero : Narmo kubuya diq na. iyo saq ngaro ube kusule motormu.
Icak : Ubemo gina Umeng, no tuubik ke dengan bero.


Adegan Dua
Masuk beberapa orang cewek. Laki-laki tadi diam sebentar. Mereka menggodanya dengan berbagai tingkahnya masing-masing.
Umeng : Suit-suit, Assalamualaikum gadis cantik?
Cewek : Waalaikumsalam Warahmatullahi Wabarakatuh
Mina : Sai dapo tau salaki sen. Isapa tu ning langan rea. Mara tau nonya etika na.
Ija : E e nu. So rua tau salaki iyo, nonya etika. Nomonto sarewa gina.
Mero : Nuya apa-apa sanak sabai. Geras kukapuli kutele sama. Balong barisi parana, ke geras nyaman kutulang sama. Aji tusasama ke tinum, muntu benur-benur na.
Econ : Isasama tu ke tinum kabali, samatamo tau taruna sen, terang nonya sakola na apa cara nyapa yam tau nongka basakola!
Icak : Beru kutulang sama, ngaripik ilurku sate kusorong lawas. Sate kuseles lawas anu kaiubeku ning Nde Brahom.
Mina : Sateti kami dengar Lawas Sia. Na roa gama mangkeduk yam beduk ate kami.
Mero : Akumo dunu ube sama Lawas. Ngaro sama sanenge balong.
Rea niatku pe andi
Sate kuriam ke kau
Sanapat gama ling jangi
Mina : Geras Mangkutik seda lawas sia pe. Bekapo aku baing balas ae. Ngaromo sia pasang kuping balong-balong. Tapi lamun nongka bersih kuping sia, ngaromo uba angkang dokter THT.
Saratis pangeneng sia
Saribu pamelang kaku
Ampinku sanak salaki
Umeng : Na merang na. No kuroa kala gesa lamun berka. Mana mubeling bro sanak sabai. Aku saq tau salaki, sudamo kumirik lamun nongka dapet rasateku. Saq lawas kaku.
Nan buaq kuampin kau
Ngemungmo layer kugita
Nanpo ku toq nonda jangi
Meluk tukanti, yam ke!
Mero : Cocok benar, sudamo salaq lamun bero!
Ija : Akumo baing sajelas Lawas ita so Mina. Bekapo itan rasa ate na. Geras sombong seda na pe. No kuberi diqku isaberkaku.
Econ : Sanantak benar Ijaq!
Ijaq : Sudam no!
Nomonda jangi kaka e
Barete untung ke sia
Silamo mikir lako len
Icak : Waina Aku, geras sama jual mahal pe. (pada Mero dan Umeng) Naq taroweku Icak lamun no kubau sateri tode dadara sen. Kupisakti tapi no kuroa kala. Mara ling tau, hitam-hitam kereta api, biar hitam mejek tapi banyak yang antri, nongka bero ke. Termasuk ti pernya sen, mudah-mudahan, amin.
Mero : (ketawa) Nonya salaq lamun tau soq. Anu salaq-salaq jari benar. No tu tan seruci na. Gole benar ke lawasmu so. Bila perlu jangka ngaripik e.
Icak : No gampang intan no gampang
Kulalo mikir untung len
Kau dengan sopo sipat
Sai kau, dua kau! Mara ling sair album Losong “Na samirit ate kakendung”.
Umeng : Na jinaq serakah bero gina kau Icak, musepan kami yam toyak-toyak ke ningka. Sate ikabaing mesa bae apa-apa dik saq! Nuya bero ke Mero!
Mero : E e e e e.. Yasepan nya mesa bae salaki. Padahal nongka itan di’ na mejek.
Icak : Sori baemo kanti boro. Mana kumejek no kumirik, malahan terus kumarak.
Ija : Nopoka-poka turoa kam balio tau sen. Erokmo kuroa tau roa balio ke basengal. Saman saq nom turoa tau roa balio, apa no nyaman tutelas. Nonya kanyaman atetu lamun keluarga turoa balio ke basengal. Meluk ling perso.
Econ : E. E. E. Na kukeang bekapo tau roa basengal. Kawa bae ke tumido, no tan mido saman iyo saq buemo mahal.
Mero : Tapi iyo ning KSB lo program ramido gratis. Nomo susa lamun tubeka-beka.
Mina : Sijar sia tau nonya sakola. Mana gratis mido ning KSB. Sai kawa tudadate, sia suru tukamelas petang ano gara-gara sia balio ke basengal. Saman saq tau nom roa telas mara saman perang. Keluarga tau iyo sate nyaman nyawe senap semu nyaman ate.
Mero : Lamun kudengar apa anu ikarante ning Mina, mara rua sai sipat ke aku. Tau mara Mina saq cocokmo tupia ibu rumah tangga. Orangnya cerdas dan cantik gitu lo, nongka bero ke penonton.
Econ : Na sanenge Mina. Keang beka tusanenge tau yam sen. Bekapo kupugut lawas dunu. Ngaro simak balong-balong kaka balong, (sinis) ko o o o o o o o o a!
Ala mana sopo sipat
Lamin no to beme rara
Yabakal ngining parana
Umeng : Nom susa sanak sabai, lamun ke aku no bakal mungining. Aku sen peno bangkat tanaku. Kebo ke jaranku pia-pia bara. No ku tan lamun tau dua. Apalagi diq sen (menunjuk Mero)!
Mero : Bero bae nya ke dengan, isateri dengan rena barangkang. Mana aku tau nonya, tapi geras soleh ateku ariq balong. Sanenge balong lawas saq!
Luk rua kau pe andi
Sosong lalomo no aku
Na kena adasi jangi
Mina : Ngempong ate kudengar lawas sia kaka, tapi sia dengar lawas saya dunu!
Kungalelas kusatutu
Kena sia roa bola
Penosi tau karing ling (na kena hanya manis di mulut, tapi busuk di hati sia).
Mero : Lamun aku no gampang karing ling, aji mubeling petang saq-saq sate mumarariq, kuparariq mumarus ariq balong!
Mina : Meno, iajak tumarariq koa. Tumali lamun kumarariq ke sia. Gawe marariq soq gawe anu no iberi ning tau samawa, lenge memang lamun tumarariq!
Umeng : Iyati kau Mero, marariq soq gawe lenge lamun ningka, tumali lamun tugawe. Saq nya tau tetu-tetu salaki, mara ling lawas saq!
Lamin kaling kakuseles
Nosi gampang no yatutu
Kupina ila’ parana
Ija : Geras maras seda lawas sia pe kaka, jangi kugampunang kudengar. Na gama iyo baeti so seda, nar puan kam tujari bine, karing ilebaktu ke timpak, karing ilang pesona kecantikanku jari na.
Mina dan Econ mengangguk secara bersamaan.
Ija : Ngaromo sia dengar lawas Saya kaka’ balong!
Parana kaku ta kemang
Tekar tepat angkang sia
No urung tusaling saying
Icak : Kam kena penggat tau dadara sen. Bekapo bau lebe ngaripik kabali, sate kuube lawas panyampat keman aku.
Tutu ke adi tutu ke
Yamupina bangka nyawa
Musaling layar ke aku
Econ : Cuma sate saya satotang sia sanene, mara ling lawas saq.
Tenrang balayar we kaka
Tetapmo bangka mutau
Na salaq gili mupandang
Mero : Nom susa sanak sabai. Lamun aku no kuroa ngelaba apalagi jari Casanova. Aku tau keras katakut ke Penyakit Menular Seksual (PMS) atawa HIV/AIDS. Jari, lamun kami saq jelasmo tau terang-terang, ke anu penting tau setia ke satu pasangan baeti, sama enti karanteku.
Mina, Ija, ke Econ senyum-senyum mendengar perkataan Mero. Mereka bersama-sama mengucapkan: Tetu bero ke sanak salaki. Lamun bero nyamanmo ate kami saq.
Mero, Umeng, dan Icak pun Menjawab serentak dengan mantap: Tetu n bener sekali dong!
Mereka bersama ke depan panggung untuk berpamitan ke penonton.
Luk maras tusaling sayang
Mara baringin ketong tal
Saling keal nyaman ate
Me tanang no nyaman ate
Lamin hajat tudapatmo
Sama tukemas barema
Icak : Jari ke muantat arimu, Mero?
Mero : Astagfirullah kukalupa na, jariti! (pada Umeng) Umeng, lemamo kusule motormu!
Umeng : (memberi dengan berat hati) Saq nya. No jari kuantat Ija sa, samatam Mero saq.
Mero : No bau tuantat tau nopoka jari muhrim tusanak salaki. Isili tu ning inak-bapa na ke Karoan beling bero ampo. Terima kasihmo sanak salaki, nyang kau fren terbaikku. Maaf baemo salebe na. Aku na kulalo dunu, lo urusanku sangara. (mengucapkan salam) Assalamualaikum…
Yang lain menjawab: Waalaikum Salam…..
Mero : (berbalik pada Mina) Tom tulalo dita angkang rumah sakut.
Mina : (kaget) Tulalo beka kaka!
Mero : Tulalo periksa diqtu sanopoka tupangantan. Apa soq ling tau-tau, sanopoka tupangantan harus tuperiksa dunu, bau lebe mantap.
Mina : Bero ke kaka! Tapi, saya saq sehat walafiat
Mero : E E ari balong. Nyangti musehat, tapi nonya sala lamun lebe mantap tuberumah tangga lamun tutan diqtu sehat-sehat sanopoka tupangantan.
Mina : Antimo saya gina kaka balong, matulalo barema.
Mero : Cuma tulalo bale dunu, barema tubarangkat ke tau ning bale ampo bau nom jina geras tupagari na tupangantan. Ke ampo no nyaman ke tau lamun itele tubalangan barema sanopoka tupangantan berka. Soal na mara ling tau loka, sabai salaki na peno barema apa tau katelu na soq pastimo setan. Kaka Meromu saq kele tau nonya, no roa gawe salaq ning mata Tuhan ke mata manusia. No roa gawe dosa ning donia.
Umeng : Lamun bero tom tulalo barema dita Ija’. (pada Mero) Mero, uba loka kunci motorku, aku na kulalo meriksa diqku ke Ija ko puskesmas.
Mero : Ba me mo luk aku.
Serempak: Nonya Ila’ na!
Mereka keluar panggung.