Sakeco Batu Gong

Hadirinku Yang Mulia—Harapan Kami Nantana-Tuada Hadir Pang Ning Ta—Lebe Kurang Sia Menong—Aring Kukarante Mudi—De Malenkan Ade Iya—Sia Maaf Kugamana—Maklummo Kena Tukhilaf—Bata Kuaran Ko Sia—Batu Sajara Batu Gong—Pang Wilayah Camat Utan—Kena Desa Orong Bawa—Orong Garantung Sia E—Kele Tusarungan Sia—Kami Nosoka Tudapat—Katulalo Bakatoan—Ko Tu Loka Baeng Desa—Haji Muhammad Nur Bajing—Tenrismo Lale Ete Buk—Yabaca Satu Per Satu—Ke—Hurup Sa (O… E… Tara) Jontal.

Tara…Ya… E… Tara Jontal.
Ada Tusingin Garantung—Ka Datang Kalis Mangkasar—Olaq Jukung Dua Katir—Balabu Pang Labu Padi—Palabu Boyan Sapuan—Turin Jukung Ne Garantung—Tenrismo Lalo Balangan—(La…) Pero Kiri Pero Kanan—Desa Nopoka Yagita—Balangan No Tentu Lako—Kabatulan Pang Ano Nan—Batemung Ke Dua Tau—(La) Kaki Ranggo Singin Sopo—Ade Sopo Basingin Kadek—Kakalis Bali Diri Nan—Saling Kaloko Nantanan—Pan Tenrismo (Da Ae) Dadi Sahabat.

Tenris A… Ei… La Sahabat.
Kajira Nan (Ae…) Po Sia E—Mufakat Tau Telu Nan—Beling Koa Kaki Ranggo—O Garantung Balong Ate—Saboe Pangetomu Balong—Coba Tupina Batu Gong—Ada De Tubilin Mate—Lema Naq Kalupa Kita—Dadi Sajara Pang Mudi—Masasi Eraq Yabangun—Dadi Tokal Pariwisata--Kunjungan Leng Sa (We) Rea Tau.

Rae.. Ia… E… Rea Tau.
We Hasil Mupa..(Ai)Kat Tau Nan—Tenrismo Yalalo Pina—Ade Basingin Batu Gong—Dadi Sopo Ade Rea—Empat Kodeng Ade Ode—Tenrismo Yalalo Pasang—Pang Katokal Untir Ode—Ade Rea Olo Pang Tenga—De Ode Salulir Sisi—Liuk Leng (Bu…Ae) Busir Ke Taku.

Tak…E…A…E… A Ke Taku.
E… Dapatmo Ma(E…Ba) Baseka—Saling Asimo Tau Nan—Balawas Nanta Garantung—We Ke Basa Bugis Mangkasar—Tanya Senda Basa Bugis—Resong Ne Gendang Ne Jawa—Aja Nitu Dadi Loka—Lewani Ing Kani (Li…) Lina—Lamin Tegas Basa Kita (Laiya Nanta Gantuna)—Resong Mara Genang Jawa—Na Gantuna Mana Lalo—Liwat Nan Ada (Lili) Si Lili.

E… Si… E.. Si Lili
E… Kaki (Ae) Ranggo Ta Sia E—Yamenong Lawas Garantung—Renduk Basungu Ke Kacek—Ai Mata Tenri Diri—Ta Pola Tuyasaling Bilin—Sambil Rena Beling Menta—We Garantung Balong Ate—Ta Kuseles Lawas Kaku—Ke Basa Bali Balong—Tanya Senda Basa Bali—Sampun Wenten Ane Nganti—Ipun Renggi Luntun Care—Tiang Lurus Paling Becik—Lamin Tegas Basa Kita—(Laiya Nanta Gantuna) Tamo Ada Lili Kau—Long Mara Tenreng Labakung—Langarmo Basa Lampan No Lampan.

No… Lo… Ya E… No Lampan.
Tumpu Lawas (Ae) Kaki Ranggo—Rabungkak (Ke) Nanta Garantung—Pina Ne Sakali Ngantang—Sambil Rena Beling Menta—Belo Umir Kugamana—Bau Kudatang Kabali—La Bau Kukompal Mara Ta—Kaki Ranggo Rabungkakmo—Yabilin Nanta Batu Gong—Sambil Rena Selis Lawas—Pio Kabarema Ngibar—Dapat Panyempang Baseka—Saling Buya (Balong) Doqmo Tokal.

Do..Mo… La E…I… Doqmo Tokal.
We Karasa (Ae) Bilinmo Tokal—Nan Batu Gong To Mo Sia E—Lamin Rebo Kemis Jemat—Sekat Isya Ke Manggreb--Baresung Beling Batu Gong—Mengas Senda Samin Tokal—Yamara Ling Tu Loka—Dunung Benru Belingmo—Batu Gong Tanda Senap—Kampung Halaman, Pade Kacang—Balongmo Tumole Mataq.

To..Mo..Ei…To Mo Le Mole.
Lituracik Sakeco (Laiya Nanta Gantuna)—Li Tukembang Sakeco—Nonda Rancik Nonda Maras—O Inaq Bapak Dawam Me Pata—Balo Tolo Ae Tamo…. Racik.
Sai Sate Cuci Mata (Laiya Nanta Gantuna)—Malalo Lako Senggigi—Ada Wisatawan Asing—Ada Tukaleng Asia—Ada Tukaleng Eropa—Lamin Tau Kabagita—Jarang Tau Kantap Iman—Bajanyar Rena Baturit—Ilur Mara Kobok Lepang—Belaq Biwir Leng Mangkais—Kemang Sino Tumangkais—Siong Ada Kenre Lamung—Papar Burit Katintirmo—Lengan Mara Rantok Utan—Tete Mara (Kembo) Genro Kebo.

Genro… A… E… Genro Kebo.
E… Matubalik Matu(Ala…)Banting—(Laiya Nanta Gantuna)—Rabalik Tanang Linting—Meluk Nyangsi Lagina—Lio Leng Jendela Sari (I…)—O Sarea Kaum Muda (Laiya Nanta Gantuna)—Tanya Pesan Tumarenta—Naq Jina Santurit Ate—Penomo Rapang Tugita—Turoa Genti Pasangan—(La) Boe Sopo Ete Sopo—Mudi Kena Panyakit Aids—Panyakit Nan Nonda Medo—Panyakit Roa Mlonto—Benru Kenamo Hiv—Tubu Mara Lompa Layu—Reng Parana No Tupatoq—Mara Ling Bapak Dokter—Siong Mongka Kusatotang—Panyadu Kurang Pang Ate (E…)—Yamunyesal (Balong) Ko Saipo.