Salamat Intan Bagia

Fathi Al-Qadri

Bua Kayaqmo Kudatang--Ada Rungan Boco Ijo—Tutu Rua Rabenang Nam. Lamin Tutu Rabenang Nam—Manasi Ling Mutulang Do—Nake Sangka No Kunotang—Aku Tunotang Nonda Man. Kubara Jaran Ko Badi—Kusangola Lutuk Tingi—Lantas Pola Bao Batu. Kanatang Kaku Ko Andi—Kudatang Temung Kajangi—Lema Na Bola Pang Aku. Sadua Kita Gamana--Tokal Bao Bukit Bangka—Sama Enti Ling No Putis.

E A No Putis
Salamat Intan Bagia--Maris Gama Saling Pendi--Kakendung Batemung Untung. Nosoda Sanompo Kita--No Sateq Singin Salamat--Ajan Dagang Tubayarsi. Sai Tusateq Salamat--Senra Niri Tu Ko Nene--Nya Tanda Ulin No Lupa. Peno Tusateq Salamat--Konang No Totang Samula--Kalupa Asal Kanatang. Lamin Lupa Ko Kanatang--Jarang Roa Belo Masa--Ling Poto Me Tukalumpak.

E Tukalumpak
Ado We Sanak Sawai--Laga Munulang Angkang Ta--Mualu Tamu Doq Desa--Kamisi Tamu Doq Desa. Lagamo Beang Ling Manis--Naq Kumole Ke Tanang Suq--Tenreng Salolo Nong Timan--No Kubeang Rembes Tulen--Malenkan Sama Turela.

E. Sama… Sama Turela
Bata Kurancik Sakeco—A La E Nanta Gantuna--Bata Kukemang Sakeco--No Kurancik Kurang Maras--Tambah Rancik Tambah Maras--Ina Bapak Dawam… Mi Pata Balo Tolo… Tamo Rancik.
Pesan Bapa Tu Pang Bale--Lamin Mulalo Anak E--Kayaq Mubuya Sabage. Kukasakit Gita Kau--Benru Tenga Petang Desa--Mumalekong Mesa-Mesa--Entinmu Pang Anok Sangkok--Imamu Leng Dalam Lengkang--Mara Tupolokok Dole--Anu Genres Kuhawatir--Kena Ngamuk Babi Buta--Aring Adimu To Pikir--Hancur Mina (Nyai) Demi Nyai.