Senin, Mei 11, 2009

Sakeco Nyukat

Pangantan Tau Sapuan—Samula Kaling Bajajak—Tenris Tama Bakatoan—Katoan No Ko Purang Len—Samanta Ko Tau Basempu—Lema Nyaman Saling Jatu—Benru Mole Bakatoan—Saling Jatumo Tu Loka—Luk Sasopo Ling Karante—Benru Sopomo Karante—Karing Lalo Basaputus—Saputis Luk Boat Iwit—Benru Jira Basaputis—Adamo Waya Tuboat—Pangantan Kemas Kamoyang.

Mula Ano Tama Boat—Pangantan Maris Tubada—Tenris Yasatama Kengkam—Kareng Nyorongmo Sia E—Lalo Antat Soan Lemar—Imung Ke Sarea Riri—Nyorong Iring Ke Rabana—Kemas Kemo Tubarantat—Nanya Adat Tu Samawa.


Jira Nyorong Gila E—Pangantan Tenris Tuodak—Bacaya Mara Bulan Les. Dapatmo Leng Ade Wajib—Pengulu Dating Sanika—Nan Palajar Rasulullah—Benru Wayamo Basai—Ante Tutokal Bo Kawade—Imung Ke Kemas Kamoyang.

Bata Kurancik Sakeco—A La E Nanta Gantuna--Bata Kukemang Sakeco--No Kurancik Kurang Maras--Tambah Rancik Tambah Maras--Ina Bapak Dawam… Mi Pata Balo Tolo… Tamo Rancik.

Pesan Bapa Tu Pang Bale--Lamin Mulalo Anak E--Kayaq Mubuya Sabage. Kukasakit Gita Kau--Benru Tenga Petang Desa--Mumalekong Mesa-Mesa--Entinmu Pang Anok Sangkok--Imamu Leng Dalam Lengkang--Mara Tupolokok Dole--Anu Genres Kuhawatir--Kena Ngamuk Babi Buta--Aring Adimu To Pikir--Hancur Mina (Nyai) Demi Nyai.

Kalis Desa Ko Desa Ta—Kami Datang Ke Rombongan—Siongsi Tudatang Demo. Tingka Sia Datang Demo—Nosoka Salaq Pakarap—Pang Nyonde Tu Unjuk Rasa. Lamin Dena Unjuk Rasa—Tusabeta Bakatoan—Tusamaresmo Ke Nyorong.


Tidak ada komentar: