LAWAS PENERIMAAN

Kubaripi Petang Sarawi
Long Siup Batempa Dating
Basilamo Sia Tama

Muntu Kupina Palangan
Kusamula Ke Bismillah
Tungeneng Reda Ilahi


Benru Dapat Siding Sia
Alu Kemas Kamoyang
Loba No Campa Tungentang

Aiqmo Kusepan Senap
Notalo Karante Sia
Senap Ta Sasir Parana

Kalis Petang Kea No
Nosoda Dua Pangeneng
Ke Sia Gama Kukompal

Basual

Bua Kudatang Lako Ta (PL)
Nomonda Anung Kubentan
Pamukil Beduk Baesi

Manasi Pamukil Beduk (PW)
Siong Kenang Lebak Bangkang
Hanya Kenang Mubajajuk

Balong Atemu Pe Andi (PL) Kapanising Nabi Adam
Mutarima Kewa Balong

Panising Nan Kukamata (PW)
Mana Jangka Ronde Spulu
Yaku KO Sadino

Parana Yandi Jalan Tol (PL)
Mulus Nyaman Tancap Gas
Tingka Nongka Lampu Mira
Nonda Baing Basangela

Na Sia Karotek Lalo (PW)
Balong Sia Tancap Gas
Kena Roa Mate Ndalam
Atawa Knalpot Rapenat