Selasa, Agustus 18, 2009

Kemang Komal

Tabe Gama Ne Ramenong--Tenris Ko Sarea Sia--Nopoka Belo Karante--Dunungsi Tueneng Maaf--Mungkin Pang Karante Kami--Ada De Nongka Sejalan--Pangeneng Kami Ko Sia--Bangkalong Jangka Banete--Lamin Balong Sila Ete--Arak Renge Pina Genang--Lamin Lenge Na Sakenang--Maklum Kami Tudua Ta--Umur Tusetahun Jagung--Masi Pang Tahap Balajar--Karante Ta Sumbang Saran--Kena Roa Dadi Balong--Baso Resut Katutunung--Balong Sanenge Nas Dunung.


Kemang Komal Sideng Sia--Angan Kupina Rasate--Rela Ke Ajan Tukemban--Kemang Komal Katukemban--Tuanggop Tanja Makassar--Tuarap Sia Yasumping--Kaling Punamo Kunganyang--Sateris Sampar Baringin--Kugantong Panatal Mateq--Batulan Kewa Pamanyang--Balong Batempa Ke Singin--Patetsi Kubantal Mate--Ajan Sampama Kumungka--Satemung Den Eta Bangi--Sarepi Mate Ning Badiq--Ajan Sampama Katingka--Satemung Kita ning Jangi--Rela Ke Atemu Yandi--Kuroasi Turit Sia--Tupasang Jangipo Dunung--Pamendi Naqmo Sayate--Kupendi Nongka Sayate--Parana No Kugantuna--Kubela Mana Ke Nyawa
Lamin Tutu Kayu Budi--Pina Palemar Parai--Baso Tembu Ning Lambayung--Lamin Tutu Sia Pendi--Mara Tima Ketong Tali--Kalembu Tusaling Gayong--Apapo Ampo Mususa--Lamin Aku Dadi Benteng--Tumate Saling Pajele--Lamin Olosi Panotang--Mana No Rampak Bajango--Pamendi Ada Pang Sia--Sendang Muntu Angan Ate--Datang Senap Ko Parana--Goyo Ning Masa Tukompal--Mayang Bua Orong Benrang--Kuanggop Tanja Salimpat--Bakeal Untung Gamana
Bata Kurancik Sakeco--Bata Kukemang Sakeco—Nonda Rancik Nonda Maras—Tamba Rancik Tamba Maras—Ina Dawa Mi Pata Balo Tolo—Tamo Rancik
Bua Kudatang Lako Ta—Nomonda Anung Kubentan—Pamukil Beduk Baesi—Beling Kalis Sawai--Manasi Pamukil Beduk—Siong Kenang Lebak Bangkang—Hanya Kenang Mubajajuk—Yasamung Ling Tu Salaki--Balong Atemu Pe Andi—Kapanising Nabi Adam—Panising Nan Kukamata—Noroa Kala De Sawai--Mana Jangka Ronde Sapulu—Yaku KO We Sadino. Yasamungsi kabali--Parana Yandi Jalan Tol—Mulus Nyaman Tancap Gas—Tingka Nonda Lampu Mira—Nonda Baing Basangela—Menansi Ling Tusawai--Na Sia Karotek Lalo—Balong Sia Tancap Gas--kena Roa Mate Ndalam—Atawa Knalpot Rapenat.

Tidak ada komentar: