Bakilung 2

Assalamualaikum Papi
Kusamula Ke Bismillah
Salamat Gama Parana

Andi Tusapene Jangi Pa
Tada Kubuya Ni Genti
Ke Kau Aku Nomongka

Bano Kaka Babenomo Pi
Tusamanta Tu No Rela
Sama Turabut Untung Len


Kuasa Kau We Ari Pa
Kupepet Majunti Soret
Tode No Tetu Bantal Ling

Sia Nonyamo Kutele Pi
Sia Kalupa Ke Rua
Rusak Ate Ning Panotang

Kunangus Ning Dalam Ate Pa
Nonya Rungan Salam Doa
Na Putus Lampa Biasa

Lamun Kuangan Sajarah Pi
Kaling Manus Sia Balong
Talo Jangi Tunomonya

Kabagianti Biasa Pa
Joq Desa Tusalam Doa
No Polak Dalam Tusayang

Kusayang Sia Mara Me Pi
No Lebur Totang Ning Ate
Kulepas Bosan Sadino

Beru Datang Bangka Sia Pa
Ateku Kemas Katawa
Tetu Gama Marus Pedi

Penomo Pio Kangibar Pi
No Kuube Batarepa
Kutari Jangi Ke Sia

Tetu Maras Saling Sayang Papi
Bunga Eja Ntang Deng Bale
Lusut Tusaling Pajele

Wasalam Kueneng Pamit Papi
Ko Sia Salebe Sia
Senap Semu Ning Panotang

Taliwang, 25 Agustus 2007